İngiltərə Çempionşipində "Bristol Siti" ilə "Haddersfild Taun" arasında keçirilmiş XXXVIII tur matçında qonaq komandanın futbolçusu Conatan Hoqq ağır zədə alıb.
Sportnet.az-ın məlumatına görə, ilk yarıda Hoqq həmklubu Markos Hansonla toqquşma nəticəsində xəsarət alıb. Boynundan zədələnən 28 yaşlı yarımmüdafiəçiyə 14 dəqiqə ərzində tibbi yardım göstərilib. Sonra isə o, meydanı xərəkdə tərk edib.
Hoqq müayinə məqsədilə xəstəxanaya yerləşdirilib. Görüşün baş hakimi isə baş verənlərlə əlaqədar ilk yarıya 14 dəqiqə artırıb.
Qeyd edək ki, görüş "Bristol Siti"nin böyük hesablı qələbəsi ilə yekunlaşıb.
