AFFA İntizam Komitəsi Azərbaycan Premyer Liqasında çıxış edən "Zirə" klubunu 1000 manat cərimələyib.
Sportnet.az-ın məlumatına görə, buna komandanın futbolçularının "Qarabağ"la Azərbaycan Premyer Liqasının XXIII tur matçında cəzalanmaları səbəb olub.
Oyun zamanı 4 oyunçusu sarı vərəqə aldığı üçün "Zirə"yə 800 manat cərimə kəsilib. Daha 200 manat cərimə isə 66-cı dəqiqədə Akim Latifunun ikinci sarı vərəqə alaraq meydandan kənarlaşdırılması ilə əlaqədar tətbiq olunub. Bununla yanaşı, Latifu "Qəbələ" ilə XXIV tur matçını buraxmalı olacaq.
Qeyd edək ki, "Zirə" - "Qarabağ" matçı qolsuz yekunlaşıb - 0:0.
