Martın 30-da Azərbaycan Kubokunun 1/2 final mərhələsinin ilk oyunu çərçivəsində "Qarabağ"ı qəbul edəcək "Neftçi" oyuna itkilərlə çıxacaq.
Klubdan Sportnet.az-a verilən məlumata görə, Ruslan Abışov zədə üzündən meydana çıxa bilməyəcəyi halda, Pavel Dreksanının durumu sual altındadır.
Qış fasiləsində "Qarabağ"dan "Neftçi"yə transfer olunan Namiq Ələsgərov isə iki klub arasındakı razılaşmaya əsasən bu matçda forma geyinməyəcək. Qış fasiləsində flaqmana məhz Ağdam klubundan keçən Ələsgərov Premyer Liqanın III dövrəsində də keçmiş komandasına qarşı oynamamışdı. Azərbaycan millisinin heyətində Almaniyaya qarşı zədəli olduğu üçün oynamayan futbolçu artıq formadadır.
Qeyd edək ki, "Neftçi" - "Qarabağ" oyunu saat 19:30-da başlayacaq.
