Bakı "İnter”inin iki futbolçusu Azərbaycan Premyer Liqasının XXVI turu çərçivəsində "Qarabağ”la ev oyununda iştirak etməyəcək.
Klubdan Sportnet.az-a verilən məlumata görə, ötən tur "Zirə” ilə səfər matçının 54-cü dəqiqəsində sarı vərəqə alan İlkin Qırtımov cəzalı duruma düşdüyü üçün Ağdam təmsilçisinə qarşı forma geyinməyəcək.
Digər futbolçu isə səhhətindəki problemə görə məşqlərdən kənar qalan Abbas Hüseynovdur.
Qeyd edək ki, aprelin 16-da keçiriləcək "İnter” – "Qarabağ” oyunu saat 18:30-da başlayacaq.
