Şotlandiyanın "Harts” klubunun qvineya-bisaulu futbolçusu Esmael Qonçalves Azərbaycandan aldığı təklifdən imtina edib.
Sportnet.az-ın məlumatına görə, 26 yaşlı hücumçusu bu barədə scotsman.com saytına müsahibəsində məlumat verib.
Azərbaycan və buna bənzər ölkələrdən təklif almışdım. Lakin iki il öncə pulu üstün tutaraq, Səudiyyə Ərəbistanına getməyimi xatırladım. Eyni şeyi bir də təkrarlamadım. Pul arxasınca getmədim. Bundan da önəmli şeylər var. Karyeramı düşünməliyəm”.
Qeyd edək ki, Esmael Qonçalves milli komandamızın üzvləri – Kamran Ağayevlə Emin Mahmudovun formasını geyindiyi Portuqaliyanın "Boavişta” klubun yetirməsidir. O, karyerası ərzində "Rio Ave”, "Sent Mirren”, APOEL, "Veria”, "Ettifaq” kimi klublarda çıxış edib və bu ilin yanvarında "Harts”a keçib.
