Luçano Spaletti İtaliyanın "Roma" klubunun baş məşqçi postundan istefa verib.
Sportnet.az-ın məlumatına görə, klub prezidenti Ceyms Pallotta təcrübəli mütəxəssisə minnətdarlığını bildirib.
Spalettinin rəhbərliyi altında komandanın daha çox qol vurduğu və xal topladığı vurğulanıb.
Qeyd edək ki, Luçano Spaletti 2016-cı ilin yanvarından "Roma"da çalışırdı. Onun rəhbərliyi altında paytaxt təmsilçisi İtaliya A Seriyasını ikinci pillədə başa vuraraq, Çempionlar Liqasının qrup mərhələsinə birbaşa vəsiqə qazanıb. "Cenoa" ilə son tur matçı həm də komandanın kapitanı Françesko Tottinin futbolçu karyerasında sonuncu olub.
