Ukrayna milli komandası yoldaşlıq görüşündə Malta yığmasına uduzub. Sportnet.az-ın məlumatına görə, Avstriyanın Qrats şəhərindəki Arnold Şvartsenegger adına stadionda keçirilmiş qarşılaşmada "cırtdan ölkə" komandası 1:0 hesabı ilə qalib gəlib.
Yeganə qolu 14-cü dəqiqədə yarımmüdafiəçi Zak Muskat vurub. Ona ötürməni müdafiəçi Aleksander Muskat verib.
Qeyd edək ki, FİFA-nın son reytinq siyahısında Ukrayna 37-ci, Malta 182-ci pillədə yer alıb. Malta 2016-cı il Avropa çempionatının seçmə mərhələsində Azərbaycanla eyni qrupda yer alıb. Millimiz Bakıdakı görüşdə 2:0 hesabı ilə qalib gəldiyi halda səfərdə heç-heçə edib.
