"Qəbələ"nin sabiq futbolçusu Marat İzmaylov Rusiyanın paytaxtı Moskvada yeni yaradılan "Ararat" klubuna keçib. Sportnet.az-ın məlumatına görə, 34 yaşlı yarımmüdafiəçi ilə 1 illik müqavilə bağlanılıb.
Anlaşmaya əsasən, qışda daha cəlbedici təklif gəlsə, İzmaylov erməni klubunu problemsiz tərk edə bilər.
Klub prezidenti Valeri Ohanesyan Roman Pavlyuçenkodan sonra daha bir tanınmış oyunçu ilə anlaşmanı düşünülmüş addım adlandırıb.
Qeyd edək ki, Marat İzmaylov 2014-cü ilin yanvarın 31-dən mayın 22-dək "Qəbələ"də icarə əsasında forma geyinib.
