Azərbaycan milli komandasının baş məşqçisi Robert Prosineçki bu gün yenidən AFFA rəhbərliyi ilə danışıqlara yollanıb. Sportnet.az-ın məlumatına görə, buna xorvatiyalı mütəxəssisin yığmamızdan ayrılaraq, Türkiyə "Bursaspor"una getməkdə israrlı davranması səbəb olub.
Ötən gün AFFA-dan razılıq ala bilməyən Prosineçki bu gün yenidən danışıqlar masasına oturub. O, ilin sonunadək olan müqaviləsinin ləğvini istəyib. Yekun qərar günün sonunadək açıqlanacaq.
İstənilən halda Prosineçki Azərbaycanı sabah tərk edəcək. Artıq orta məktəbdə dərslər də başa çatdığından, 48 yaşlı mütəxəssis ailə üzvləri ilə birgə Bakıdan ayrılacaq.
