Türkiyənin Bolu bölgəsində təlim-məşq toplanışında olan Azərbaycanın iki komandası bu gün eyni vaxtda yoxlama oyunlarına çıxacaqlar. Sportnet.az-ın məlumatına görə, "İnter" son qarşılaşmasında Rumıniya "Viitorul"u ilə qarşılaşacaq.
Düzce Stadionunda keçiriləcək görüş Bakı vaxtı ilə saat 18:00-da başlanacaq.
Eyni saatda "Zirə" klubu Kamerunun "Kolumbe Sportiv” komandası ilə üz-üzə gələcək. Bu, Ayxan Abbasovun baş məşqçi olduğu kollektivin ikinci yoxlama oyunu olacaq. Son matç isə məhz George Hacının rəhbərlik etdiyi "Viitorul"a qarşı keçiriləcək.
Qeyd edək ki, daha əvvəl "Zirə" "İnter"i məğlub edib - 2:0.
