Bakının "İnter” komandasının futbolçusu Qara Qarayev zədələnib. Bu barədə Sportnet.az saytına paytaxt klubunun baş məşqçisi Zaur Svanadze məlumat verib.
Gürcüstanlı mütəxəssisin sözlərinə görə, iyunun 13-də Türkiyə toplanışında "Zirə” ilə yoxlama matçı zamanı xəsarət alan 19 yaşlı hücumçunun durumuna MRT müayinəsindən sonra aydınlıq gələcək.
Qeyd edək ki, "İnter” iyunun 29-da Avropa Liqasının I təsnifat mərhələsinin ilk oyunu çərçivəsində Serbiyada "Mladost”un qonağı olacaq.
