Avstriyada təlim-məşq toplanışını davam etdirən "Qarabağ” komandası hazırlığın beşinci gününü axşam məşqi ilə tamamlayıb.
Sportnet.az-ın klubun rəsmi saytına istinadən məlumatına görə, yerli vaxtla saat 19:00-da (Bakı vaxtıyla 21:00) start götürən məşq təxminən 1,5 saat davam edib. Hazırlıqda ümumi toplu çalışmalara üstünlük verilib. Milli komandalardan gələn futbolçular da məşq prosesinə qoşulub. Dani Kintana isə qaçmaqla kifayətlənib.
