İspaniyanın "Barselona" klubunun futbolçusu Lionel Messi "Real Madrid"də çıxış edə bilərmiş. Sportnet.az-ın məlumatına görə, bu barədə argentinalı hücumçunun agenti Orasio Hacioli açıqlama verib.
Hacioli bildirib ki, Madriddə yaşasaydı, Messini də Madridə aparacaqdı: Vəziyyət elə alındı ki, Kataloniyada yaşamağa yollandım və Messini Barselonaya gətirdim. Amma Madriddə olmaq istəyirdim. Buna yaxın idim. Madridə getsəydim, Messi "Real Madrid"də oynaya bilərdi".
Agenti Messi barədə ilk təəssüratlarından da danışıb: "Onu hava limanında gördükdə, fikirləşdim ki, bundan futbolçu çıxmayacaq. 13 yaşında çox balaca və arıq idi. Buna görə də, açığı, ilkin təəssüratım elə də yaxşı deyildi. Amma onu Barselonada məşqdə gördükdə, anladım ki, bu, böyük futbolçudur".
Qeyd edək ki, bu gün 30 yaşı tamamlanan Lionel Messi "Barselona"nın gənclərdən ibarət komandasında 3 il çıxış etdikdən sonra 2003-cü ildən əsas heyətə qoşulub. O, Kataloniya klubunda indiyədək 382 oyunda 342 qol vurub.
