Braziliya A seriyasında çıxış edən "San-Paulu"nun qapıçısı Rojeriu Seni növbəti qolunu vurub. Sportnet.az-ın məlumatına görə, "Fiqeyrense" ilə matçda 41 yaşlı qolkiper karyerasında 119-cu dəfə fərqlənib.
O, komandası 0:1 hesabı ilə geridə ikən 76-cı dəqiqədə təyin olunan penaltini dəqiq yerinə yetirib. Matç heç-heçə ilə nəticələnib - 1:1.
Qeyd edək ki, hazırda "San-Paulu" A seriyasında 3-cü pillədədir və liderdən 9 xal geridə qalır.
