Futbol üzrə Azərbaycan Premyer Liqasında II tura bu gün keçirilmiş daha iki oyunla yekun vurulub. Sportnet.az-ın məlumatına görə, Yevlax şəhər stadionunda "Kəpəz"lə "Zirə" üz-üzə gəlib.
Oyun "Zirə"nin qələbəsi ilə yekunlaşıb - 3:0. Hesabı 22-ci dəqiqədə Nicat Qurbanov açıb. O, "Kəpəz"in qapıçısı Davud Kərimi ilə təkbətəkdən fərqlənib. 49-cu dəqiqədə isə Təmkin Xəlilzadə bir neçə oyunçunu keçdikdən sonra qapını dəqiq nişan alıb. 87-ci dəqiqədə isə o, Gəncə klubunun müdafiəçisi Şəhriyar Əliyevin səhvindən sonra təkbətəkdən daha bir qol vurub.
Beləliklə, "Zirə" ardıcıl ikinci matçından qalib ayrılıb və 6 xalla turnir cədvəlində birinci piləni ələ keçirib. "Qarabağ" da eyni xala malik olsa da, daha az qol vurduğu üçün ikincidir. "Kəpəz" isə ilk turda olduğu kimi yenə uduzub. Bu komanda "İnter" və "Neftçi" ilə birgə turnir cədvəlində son pillələri qapayır.
Turun son matçında "Qəbələ" ilə "Sumqayıt" qarşılaşıb. Qəbələ şəhər stadionunda keçirilmiş görüş meydan sahiblərinin qələbəsi ilə yekunlaşıb - 1:0.
Yeganə qolu 40-cı dəqiqədə Tellur Mütəllimov vurub.
Beləliklə, ilk 2 turdan sonra liderlərin sayı 3-ə enib. Hazırda turnir cədvəlinə hərəyə 6 xalı olan "Zirə", "Qarabağ" və "Qəbələ" başçılıq edir. Ötən tur qələbə qazanmış "Sumqayıt" isə ilk məğlubiyyətlə üzləşib.
Azərbaycan Premyer Liqası
II tur
19 avqust (şənbə)
18:00. "Səbail” – "Neftçi” - 1:0
Qol: Elman Taqayev, 90
Hakimlər: Ramil Diniyev, Mübariz Haşımov, İsgəndər Əliyev, Orxan Məmmədov
AFFA nümayəndəsi: Ramiz Abdullayev
Hakim-inspektor: Füzuli Nəcəfov
"Dalğa Arena”
20:00. "Qarabağ” – "İnter” - 1:0
Qol: Əfran İsmayılov, 89
Hakimlər: Rauf Cabbarov, Azər Əsgərov, Elman Musayev, İnqilab Məmmədov
AFFA nümayəndəsi: Mübariz Hüseynov
Hakim-inspektor: Murad Məmmədov
"Azersun Arena”
20 avqust (bazar)
17:00. "Kəpəz” – "Zirə” - 0:3
Qollar: Nicat Qurbanov, 21. Təmkin Xəlilzadə, 49; 87
Hakimlər: Rəvan Həmzəzadə, Yaşar Abbasov, Vüsal Qənbərov, Rəhim Həsənov
AFFA nümayəndəsi: Eldar Qasımov
Hakim-inspektor: Əhmədağa Cabbarov
Yevlax şəhər stadionu
20:00. "Qəbələ” – "Sumqayıt” - 1:0
Qol: Tellur Mütəllimov, 40
Hakimlər: Əliyar Ağayev, Rza Məmmədov, Akif Əmirəli, Ömər Paşayev
AFFA nümayəndəsi: Əsgər Əmirəliyev
Hakim-inspektor: Şahin Cəfərov
Qəbələ şəhər stadionu
------------------------------------------------------------------------------------
Bu gün futbol üzrə Azərbaycan Premyer Liqasında II turun daha 2 oyunu keçiriləcək. Sportnet.az-ın məlumatına görə, qarşılaşmalar bölgələrdə təşkil olunacaq.
Əvvəlcə "Kəpəz"lə "Zirə" üz-üzə gələcək. Bu matç Gəncə şəhər stadionunun ot örtüyündəki təmir işləri ilə əlaqədar Yevlax şəhər stadionuna salınıb. İlk turda "Kəpəz" səfərdə "Sumqayıt"a 1:2 hesabı ilə uduzubsa, "Zirə" evdə eyni hesabla "Səbail"ə qalib gəlib. Ümumilikdə isə bu komandalar indiyədək 8 dəfə üz-üzə gəlib. Bunların 3-də "Kəpəz", 2-də "Zirə" üstün olub, 3 oyunda qalib müəyyənləşməyib. Topların nisbəti də "Kəpəz"in xeyrinədir - 10:8. Digər tərəfdən, əvvəlki qarşılaşmalarda səfər komandaları qələbə qazanmayıblar. Son 4 görüşdə meydan sahibi qol buraxmadan qalib gəlib. Saat 17:00-da başlanacaq matçı Rəvan Həmzəzadə idarə edəcək.
Turun son matçı isə "Qəbələ" ilə "Sumqayıt" arasında olacaq. Hər iki komanda ilk turu qələbə ilə başa vurub. Ev oyunundan qalib ayrılan "Sumqayıt" kimi "Qəbələ" də səfərdə "İnter"i yenməyi bacarıb - 2:1. Əvvəlki 20 matçın 13-də "Qəbələ”, 2-də "Sumqayıt” üstün olubsa, 5 görüşdə qalib müəyyənləşməyib. Topların nisbəti də "qırmızı-qaralar"ın xeyrinədir - 38:16. Bununla yanaşı, "Qəbələ” indiyədək baş tutmuş bütün oyunlarda qol sevinci yaşayıb. "Sumqayıt” isə 10 səfər qarşılaşmasında yalnız 1 xal qazanıb. Saat 20:00-da start götürəcək oyun FİFA referisi Əliyar Ağayevə tapşırılıb.
Azərbaycan Premyer Liqası
II tur
20 avqust (bazar)
17:00. "Kəpəz” – "Zirə” - 0:3
Qol: Nicat Qurbanov, 22. Təmkin Xəlilzadə, 49; 87
Hakimlər: Rəvan Həmzəzadə, Yaşar Abbasov, Vüsal Qənbərov, Rəhim Həsənov
AFFA nümayəndəsi: Eldar Qasımov
Hakim-inspektor: Əhmədağa Cabbarov
Yevlax şəhər stadionu
20:00. "Qəbələ” – "Sumqayıt” - 1:0
Qol: Tellur Mütəllimov, 40
Hakimlər: Əliyar Ağayev, Rza Məmmədov, Akif Əmirəli, Ömər Paşayev
AFFA nümayəndəsi: Əsgər Əmirəliyev
Hakim-inspektor: Şahin Cəfərov
Qəbələ şəhər stadionu
Qeyd edək ki, ilk oyun günündə "Səbail" "Neftçi"ni, "Qarabağ" "İnter"i minimal hesabla yenib - 1:0.
