"Neftçi" klubunda yeni baş məşqçi təyinatı milli komandaların oyunları ilə əlaqədar yaranacaq fasilə müddətində gerçəkləşəcək.
Sportnet.az-ın məlumatına görə, komandanı Azərbaycan Premyer Liqasında növbəti oyuna böyük ehtimalla, köməkçi-məşqçi Novruz Əzimov çıxaracaq.
Əzimov "ağ-qaralar"ı vaxtilə məşqçi kimi çalışdığı "Kəpəz"lə matça hazırlaşdıracaq. Avqustun 25-də keçiriləcək III tur matçından sonra çempionatda iki həftəlik fasilə yaranacaq. Klub rəhbərliyi bu müddətdə yeni baş məşqçi axtarışlarına çıxacaq.
Qeyd edək ki, Elxan Abdullayev Azərbaycan Premyer Liqasının ilk iki turunda "Qarabağ"a 1:3, Səbail"ə isə 0:1 hesablı məğlubiyyətlərdən sonra istefa verib.
