İngiltərə milli komandasının və "Everton" klubunun futbolçusu Ueyn Runi 100 saatlıq ödənişsiz işin icrasına başlayıb. Sportnet.az-ın məlumatına görə, 31 yaşlı hücumçu sərxoş halda avtomobil idarə etdiyi üçün cəzalandırılıb.
O, 2 ilədək sürücülük hüququndan məhrum edilib. "Daily Mail" yazır ki, Runi 6 milyon funt sterlinq (6,6 milyon avro) dəyərində olan öz malikanəsinin yanındakı ahıllar evində işləyir. Forvardı bağdakı oturacaqları rəngləyərkən görüblər.
Qeyd edək ki, "Everton" Ueyn Runini 325 min avro cərimələyib.
