Milli komandaların oyunları ilə əlaqədar yaranan fasilədən yararlanan "Qarabağ” və "Sumqayıt" komandaları yoxlama matçında üz-üzə gəlib. Sportnet.az-ın məlumatına görə, "Azərsun Arena”nın köməkçi meydançasında təşkil olunmuş qarşılaşma "Sumqayıt”ın qələbəsi ilə yekunlaşıb - 2:1.
Meydan sahiblərindən penalti zərbəsi ilə Miçel, qonaqlardan isə Amil Yunanov və Azər Salahlı fərqlənib.
Qeyd edək ki, "Qarabağ"ın əsas komandasının 14 futbolçusunun milli komandalarda olması səbəbindən əvəzedici heyətin bir neçə üzvü bu qarşılaşmada iştirak edib. "Sumqayıt" isə oyuna belə bir heyətlə heyətlə çıxıb:
1. Fərhad Vəliyev
2. Rail Məlikov
3. Vurğun Hüseynov
5. Vüqar Bəybalayev
6. Kamal Mirzəyev
7. Cavid Tağıyev
9. Amil Yunanov
10. Cavid İmamverdiyev
18. Tural Axundov
19. Azər Salahlı
32. Rəşad Eyyubov
Meydana sonradan daxil olanlar:23. Mehdi Cənnətov
17. Fərid Kərimzadə
21. Ramil Orucov
71. Ramazan Həsənov
90. Ramil Həsənov
