Türkiyənin "Trabzonspor" futbol komandasının baş məşqçisi Ersun Yanal istefaya göndərilib. Sportnet.az-ın "BeİN Sports"a istinadən məlumatına görə, 56 yaşlı mütəxəssis Super Liqanın VIII turunda evdə "Akhisar"a 1:6 hesabı ilə uduzduqları oyundan sonra qovulub.
Klub rəhbərliyi onunla görüşərək, qərarını çatdırıb. Hələlik "Trabzonspor"dan rəsmi açıqlama verilməyib.
Qeyd edək ki, hazırda bu klub 8 oyundan 9 xalla 11-ci pillədə qərarlaşıb. Xallarını 16-ya çatdıran "Akhisar" isə isə 3-cüdür. Hazırda icarə əsasında "Qarabağ"da çıxış edən Ramil Şeydayev müqavilə üzrə "Trabzonspor"a məxsusdur.
