Neftçi” komandası 42 gündən sonra ilk dəfə ev oyununa çıxacaq.
Sportnet.az-ın məlumatına görə, flaqman bu gün "Bakcell Arena"da "Sumqayıt"ı qəbul edəcək. Görüş öncəsi paytaxt klubu öz rəsmi facebook səhifəsi vasitəsilə azarkeşlərə müraciət edib.
Müraciətdə deyilir: "Səfərdə keçirdiyi son 3 qarşılaşmada qalib gələn komandamız bu mövsüm ilk dəfə ev matçında da qələbə qazanmaq istəyir. Bunun üçün futbolçularımızın möhtəşəm azarkeşlərimizin dəstəyinə ehtiyacı var. İlk dövrənin oyununda Sumqayıtda stadionu tam dolduran yerli azarkeşlər start fitindən final fitinədək susmayıb komandalarının qələbəsində böyük rol oynamışdılar. Bu gün növbə bizim azarkeşlərin və bizim komandanındır!
Əziz azarkeşlər, bu gün həm də sizin sayənizdə qələbə seriyasını davam etdirmək istəyirik! 90 dəqiqə susmayaq və "Neftçi”mizin avrokuboklar uğrunda bu prinsipial qarşılaşmasında sevimli komandamızı tək buraxmayaq! Mövsümdə ilk ev qələbəmizdə hamımızın payı olsun!
Saat 18:00-da, "Bakcell Arena”da yolunuzu gözləyirik!"
