"Neftçi"nin keçmiş futbolçusu Nikolas Kanales Çilinin "Deportes Temuko" klubu ilə yollarını ayırıb. Sportnet.az-ın klubun rəsmi saytına istinadən məlumatına görə, 32 yaşlı hücumçu ilə müqavilə vaxtından əvvəl vaxtından əvvəl pozulub.
Buna çilili forvardın israrlı xahişi səbəb olub. O, adı açıqlanmayan xarici klubdan təklif aldığını bildirib.
Kanales bu ilin yanvarından çıxış etdiyi "Deportes Temuko"da 19 oyuna 1 qol vurub. O, 2012-2013 və 2014-2015 mövsümlərində, eləcə də 2016-cı ildə "Neftçi"də çıxış edib. Təcrübəli hücumçu ilk mövsümündə 26 qolla Azərbaycan Premyer Liqasının bombardiri olub.
