Topaz Premyer Liqasının XII turunda "Qarabağ"ın qonağı olacaq "Sumqayıt" hazırlığını davam etdirir.
Sportnet.az klubun rəsmi saytına istinadən xəbər verir ki, Samir Abasovun rəhbərlik etdiyi komanda bu gün saat 11:00-da "Kapital Bank Arena"da növbəti məşqini keçirib. Lakin komanda tam heyətlə hazırlaşa bilmir. Dörd futbolçu - Süleyman Süleymanov, Xəyal Nəcəfov, Ehtiram Şahverdiyev və Bəhlul Mustafazadə U-21 heyətində yer aldığı üçün hazırlığa nisbətən gec qatılacaq.
Bundan başqa, zədəli olan Cavid Tağıyev və xəstə olan Amil Yunanov da bugünkü məşqdə iştirak etməyib. Əvəzedici komandanın 7 futbolçusu isə əsas heyətə qoşulub. Məşqdə daha çox toplu çalışmalara üstünlük verən komandamız hazırlığı kiçik meydançada iki tərəfli oyunla yekunlaşdırıb.
Qeyd edək ki, "Qarabağ" - "Sumqayıt" oyunu noyabrın 17-də keçiriləcək.
