2018-2019 mövsümündən İspaniya çempionatında hakimlərə videoyardım sistemi (VAR) tətbiq olunacaq. Sportnet.az-ın məlumatına görə, bu barədə İspaniya Hakimlər Komitəsinin rəhbəri Viktoriano Sançes Arminio açıqlama verib.
O bildirib ki, VAR-dan oyunun nəticəsinə radikal təsiri gözlənilən 3 halda hakimlərin kollegial qərarı əsasında yararlanacaqlar: qolun qeydə alınması, penaltinin təyin olunması və ya oyunçunun qovulması.
Yeni sistem La Liqada ilk dəfə noyabrın 29-da İspaniya Kubokunun 1/16 final mərhələsinin "Atletiko" - "Elçe" matçında sınaqdan çıxarılacaq.
Qeyd edək ki, VAR sistemi artıq Almaniya və İtaliya çempionatlarında istifadə olunur.
