Topaz Premyer Liqasının 14-cü turu çərçivəsində "Sumqayıt” Futbol Klubu səfərdə "Kəpəz” üzərində 3:0 hesablı qələbə qazandı.
Sportnet.az-ın məlumatına görə, bu qarşılaşmada "Sumqayıt” Futbol Klubunun akademiyasının yetirməsi olan Səbuhi Abdullazadə əsas komandanın heyətində debüt edib. Abdullazadə 15 yaş 349 günlüyündə "Kəpəz”lə qarşılaşmanın 83-cü dəqiqəsində meydana daxil olub.
Qeyd edək ki, Səbuhi Abdullazadə cari mövsüm Premyer Liqa klublarının heyətində meydana çıxan ən gənc futbolçu olub (18.12.2001). Səbuhi 11-ci turda komandanın heyətində debüt etmiş Rüfət Abdullazadəni (17.01.2001) geridə qoyub. Hər iki futbolçu 2011-ci ildən "Sumqayıt" FK-nın akademiyasının üzvüdür.
