Azərbaycan Premyer Liqasında IV turdan təxirə salınmış bir oyun keçirilib.
Sportnet.az xəbər verir ki, debütant "Səbail” lider "Qarabağ”ı qəbul edib.
"Bayıl Arena”da baş tutan oyun qonaqların 2:0 hesablı qələbəsi ilə başa çatıb.
Ağdam təmsilçisinə 3 xal qazandıran qollara 57-ci dəqiqədə Pedro Enrike, 69-cu dəqiqədə isə penaltidən Dani Kintana imza atıb.
Bu qələbədən sonra xalını 37-ə çatdıran "Qarabağ" zirvədəki yerini bir qədər də möhkəmləndirib və fasiləyə 6 xal öndə çıxıb. "Səbail" isə 13 xalla 6-cı pillədədir.
Qeyd edək Azərbaycan Premyer Liqasında növbəti - XV turun oyunları 2018-ci il 10 - 11 fevralda keçiriləcək.
Azərbaycan Premyer Liqası
8 dekabr (cümə)
19:00. "Səbail” – "Qarabağ” 0:2
Qol: Pedro Enrike, 56. Dani Kintana, 69 - penalti ilə
Hakimlər: Orxan Məmmədov, Mehman Mahmudov, Knyaz Əmiraslanov, İnqilab Məmmədov
AFFA nümayəndəsi: Elbrus Abbasov
Hakim-inspektor: Vüsal Əliyev
Bakı. "Bayıl Arena”
