Azərbaycanın "Zirə” futbol komandasının Türkiyənin Antalya bölgəsindəki təlim-məşq toplanışı zamanı yoxlama matçı keçirəcəyi iki rəqibi müəyyənləşib.
Klubdan Sportnet.az-a verilən məlumata görə, qəsəbə təmsilçisi yanvarın 27-də Polşa Ekstraklasa təmsilçisi "Krakoviya”, 30-da isə Rusiyanın I divizion klubu "Avanqard”la qarşılaşacaq.
Daha bir yoxlama matçı isə fevralın 2-də keçiriləcək. Rəqibin adına yaxın günlərdə aydınlıq gələcək.
Qeyd edək ki, "Qəbələ”nin sabiq futbolçuları Sergey Zenyov və Xavi Hernandez hazırda "Krakoviya”nın formasını geyinirlər.
