"Neftçi”nin futbolçusu Uqo Barqasın Boliviyanın "Bluminq” klubu ilə bağlayacağı müqavilənin detalları məlum olub.
Sportnet.az xəbər verir ki, 31 yaşlı hücumçu 1+1 şərti ilə sözləşmə imzalayacaq. O, özünü yaxşı tərəfdən göstərəcəyi halda, bir illik müqavilsənin müddəti uzadılacaq.
Bildirilir ki, Barqas Cənubi Amerka Kubokunda "Bluminq”ə kömək etmək üçün heyətə cəlb olunur. Boliviya təmsilçisi fevralda Braziliyanın "Baiya” komandası ilə qarşılaşacaq.
Qeyd edək ki, Uqo Barqas "Neftçi”yə məhz 2012-2013 və 2015 - 2017-ci illərdə çıxış etdiyi "Bluminq”dən keçib. Barqas bu ilin fevralında flaqmanla 1 illik müqavilə bağlayıb. Oktyabrda isə onun sözləşməsi cari mövsümün sonuna qədər uzadılıb.
