Birləşmiş Ərəb Əmirliklərinin Dubay şəhərində təlim-məşq toplanışını davam etdirən 17 yaşadək qızlardan ibarət Azərbaycan millisi bu ölkənin müvafiq yaş qrupundan ibarət yığma komandası ilə növbəti yoldaşlıq oyunu keçirib.
Sportnet.az-ın məlumatına görə, millimiz 4:0 hesablı qələbə qazanıb. Qolları Nigar Mirzəliyeva, Melis Ersoy, Alina Nəhmədova və Aslan Beyzanur vurub.
Qeyd edək ki, bu komandalar arasındakı əvvəlki yoxlama oyunlarında da Azərbaycan millisi 2:0 və 3:0 hesabı ilə qalib gəlib.
