Türkiyə milli komandasının və "Beşiktaş"ın futbolçusu Cenk Tosunun İngiltərə "Everton"u ilə müqavilənin imzalanma mərasimi təxirə salınıb.
Sportnet.az-ın "NTV Spor"a istinadən məlumatına görə, buna 27 yaşlı hücumçunun tibbi müayinəsinin uzanması səbəb olub. Texniki məsələlərin həllini tapmaması üzündən Tosun "Liverpul"la İngiltərə Kuboku matçında iştirak etməyəcək. Onun "Everton"da debütü yanvarın 13-də "Uembli" stadionunda "Tottenhem"lə səfər matçına təsadüf edə bilər.
Qeyd edək ki, Cenk Tosunun yeni klubundakı əmək haqqı həftədə 125 min funt sterlinq olacaq. O, "Everton"la 4,5 illik müqavilə bağlayacaq.
