Gəncənin "Kəpəz" komandasının düşərgəsinə 2 yeni futbolçu qoşulub. Sportnet.az-ın məlumatına görə, bunlar Elşən Rzazadə və Qvanzav Maqomedovdur.
Rzazadə peşəkar futbolçu karyerasına 2014-cü ildə "Xəzər Lənkəran"da başlasa da, 2016-cı ildə "Neftçi"yə keçib. Lakin flaqmanın heyətində möhkəmlənə bilməyən 25 yaşlı yarımmüdafiəçi I Divizionda mübarizə aparan "Mil-Muğan"a yollanıb.
Məhəmmədov isə Rusiyanın Mahaçqala şəhərində doğulsa da, Azərbaycan vətəndaşlığını qəbul edib. 24 yaşlı müdafiəçi "Şahdağ", "Zirə", "Bakı", AZAL və son olaraq, ötən mövsüm "Zirə"də çıxış edib.
Hələlik "Kəpəz"in baş məşqçisi Yunis Hüseynov baxışda olan futbolçularla bağlı qərar verməyib.
Qeyd edək ki, "Kəpəz" bu gün Tərzin Cahangirovla münasibətlərini rəsmiləşdirəcək.
