Aleksandr Borodyuk Qazaxıstan milli komandasının baş məşqçi postundan istefa verib.
Sportnet.az-ın "BNews.kz" nəşrinə istinadən məlumatına görə, rusiyalı mütəxəssis bu addımı Qazaxıstan Futbol Federasiyasının yığmanın məşqçilər şurasına etimadsızlıq göstərməsindən sonra bu addımı atıb.
Borodyuk uğursuz nəticələrə əlverişsiz təqvim üzündən rəsmi oyunlara hazırlıq üçün lazımi vaxtlarının olmamasını səbəb göstərib. O, məsuliyyəti öz üzərinə götürüb və federasiyanın qərarını gözləmədən istefa ərizəsi yazıb.
Qeyd edək ki, Qazaxıstan millisi 2018-ci il dünya çempionatının seçmə mərhələsində E qrupunu 10 oyundan 3 xalla sonuncu pillədə tamamlayıb.
