Türkiyənin Antalya bölgəsində təlim-məşq toplanışında olan 21 yaşadək futbolçulardan ibarət Azərbaycan milli komandası bu gün növbəti yoldaşlıq görüşünə çıxıb.
Sportnet.az-ın məlumatına görə, rəqib Albaniya yığması olub. Bələk qəsəbəsindəki "Titanik" otelinin stadionunda baş tuta Qarşılaşma yığmamızın 0:1 hesablı məğlubiyyəti ilə başa çatıb.
Görüş Bakı vaxtı ilə saat 19:00-da başlayıb. Bu komandalar yanvarın 26-da da üz-üzə gələcəklər. Rəşad Sadıqovun baş məşqçi olduğu kollektivin daha bir sınağı isə yanvarın 23-də Gürcüstanla nəzərdə tutulub.
İlk yoxlama matçında isə "Alanyaspor"un U-21 komandası məğlub edilib - 3:1.
Yoldaşlıq görüşü
19:00. Azərbaycan U-21 - Albaniya U-21 0:1
Azərbaycan: Abdulla Seidəhmədov, Ömər Buludov, Bəhlul Mustafazadə, Elvin Sərkərov, Sertan Taşkın, Qismət Alıyev, Hacıağa Hacılı İsmayıl İbrahimli, Fəhmin Muradbəyli, Mahir Mədətov, Ramil Şeydayev
