"Matç bizim üçün çox yaxşı alındı. Düzgün nəticələr çıxarmalı və irəli getməliyik. Nəticə xeyrimizə olmasa da, fikrimcə, ciddi rəqiblə qarşılaşdıq".
Sportnet.az xəbər verir ki, bunu Moldova milli komandasının futbolçusu Aleksandr Dedov Cənubi Koreyaya 0:1 hesabı ilə uduzduqları yoldaşlıq görüşündən sonra deyib.
Yarımmüdafiəçi buraxdıqları səhvləri analiz edəcəklərini bildirib: "Ümidvaram ki, Azərbaycan yığması ilə növbəti oyunda müsbət nəticəyə nail olacağıq".
Qeyd edək ki, Türkiyənin Antalya bölgəsindəki "Mardan" stadionunda keçiriləcək Azərbaycan - Moldova matçı Bakı vaxtı ilə saat 20:00-da başlanacaq.
