Azərbaycan I Divizionunda mübarizə aparan "Xəzər" klubu mövsümün ikinci yarısına hazırlıq çərçivəsində növbəti transferini reallaşdırıb. Sportnet.az-ın klubun mətbuat xidmətinə istinadən məlumatına görə, Nodar Məmmədovla mövsümün sonuna qədər müqavilə imzalanıb.
O, mövsümün ilk yarısını Şimali Kiprin "Yeniboğaziçi" klubunda keçirib.
"Şahdağ" futbol klubunun yetirməsi olan 30 yaşlı müdafiəçi müxtəlif illərdə "Qarabağ", MOİK, "Qəbələ", "Rəvan", "Sumqayıt" və "Xəzər Lənkəran" klublarında da oynayıb.
