Rusiyanın "Tosno” klubunun futbolçusu Stanislav Manayev azarkeşlərin qəzəbinə tuş gəlib.
Sportnet.az xəbər verir ki, buna səbəb 19 yaşlı yarımmüdafiəçisinin komanda ilə birgə uçuş zamanı 5 min rubl kağız pulla burnunu silməsi və bu davranışının videosunu "Instagram” səhifəsinə paylaşmasıdır.
Həmçinin, sosial şəbəkə istifadəçiləri Manayevi həmin görüntüyə "Bu pulu ehtiyacı olanlarla verə bilərdim, amma verməyəcəyəm, çünki qripəm” formasında şərh yazmasına görə də qınayıblar. Habelə, onun üzr istəməsini tələb ediblər.
Futbolçu isə videoni silib və pulun saxta olduğunu bildirib.
Qeyd edək ki, Manayev "Tosno”nun əsas heyətində oyun keçirməyib. O, əvəzedici komanda ilə 18 qarşılaşmada iştirak edib və 1 qol vurub.
]
