Latviya millisinin baş məşqçisi postundan istefaya göndərilən Aleksandr Starkovun illik əmək haqqısının məbləği bəlli olub.
Sportnet.az xəbər verir ki, bu barədə hattrick.lv saytına açıqlamasında Latviya Futbol Federasiyasının baş katibi Yanis Mejetski bildirib. O, 63 yaşlı mütəxəssisə illik 75 mnin avro ödədiklərini söyləyib.
Baş katib Starkovun dönüşündə əvvəl "Qəbələ"nin baş məşqçisi Roman Qriqorçukun da namizədliyini gözdən keçirdiklərini gizlətməyib.
İyunun 9-da Riqada Azərbaycan millisi ilə yoldaşlıq oyunu keçirəcək Latviya yığmasının yeni baş məşqçisinin adına aprelin 6-da aydınlıq gəlməlidir.
Qeyd edək ki, Aleksandr Starkov 2001 - 2004, 2007 – 2013-cü illərdə də Latviya yığmasına rəhbərlik edib. O, ötən il 3-cü dəfə bu posta təyin edilmişdi. 63 yaşlı mütəxəssis 2012 – 2013-cü illərdə "Bakı”nın da baş məşqçisi olub.
