Uels millisinin cinah yarımmüdafiəçisi Qaret Beyl növbəti uğurunu qazanıb. Sportnet.az-ın məlumatına görə, Madrid "Real"ının ulduz futbolçusu ölkəsində yenidən fərqlənib.
25 yaşlı Beyl son 5 ildə 4-cü dəfə Uelsin ən yaxşı futbolçusu adını qazanıb. Bununla da o, ölkə tarixində rekorda imza atıb. Belə ki, ulduz yarımmüdafiəçi Uels futbolu tarixində indiyə qədər 3 dəfədən artıq "ən yaxşı" seçilən ilk futbolçudur.
Qeyd edək ki, milli komandanın heyətində 45 oyuna 14 qol vuran Beyl "Real"ın heyətində keçirdiyi 34 matçda da 19 dəfə fərqlənib.
