İngiltərənin "Mançester Siti" klubu baş məşqçi Xosep Qvardiola ilə müqavilənin uzadıldığını elan edib.
Sportnet.az xəbər verir ki, yeni saziş 2020/2021 mövsümünün sonunadək nəzərdə tutulub. İspaniyalı mütəxəssis müqaviləyə imza atdıqdan sonra deyib: "Çox xoşbəxt və razıyam. Burada işləmək xoşdur. Hər gün oyunçularımla işləməkdən zövq alıram, yaxın illərdə biz birlikdə mümkün olan hər şeyi etməyə çalışacağıq".
Qeyd edək ki, Xosep Qvardiola "Mançester Siti"yə 2016-cı ildən rəhbərlik edir. "Şəhərlilər" bu mövsüm İngiltərə çempionatı və Liqa Kubokunun qalibi olublar.
