Fransanın "Monako” klubunun futbolçusu Radamel Falkao 9 milyon avro cərimələnib.
Sportnet.az "Marca”ya istinadən xəbər verir ki, bu barədə İspaniya məhkəməsi qərar çıxarıb. Üstəlik, 32 yaşlı forvard 16 ay müddətinə azadlıqdan mərhum edilib. Lakin bu cəza İspaniyada 2 il müddətinə yaşayan şəxslərə şamil edildiyindən, kolumbiyalı hücumçu yalnız təyin edilən cəriməni ödəməlidir.
Qeyd edək ki, Radamel Falkao 2011 – 2013-cü illərdə "Atletiko”da çıxış edib. O, gəlirləri ilə bağlı yalan məlumat verməkdə və 5 milyon avro həcmində maliyyə maxinasiyasına görə ittiham olunurdu.
