İspaniyanın "Real Madrid" klubunun və Portuqaliya milli komandasının hücumçusu Kriştianu Ronaldu dünyaya gəlməyə bilərmiş.
Sportnet.az-ın məlumatına görə, bu barədə dünyanın ən yaxşı futbolçusunun anası Dolores Aveyru yenicə çapdan çıxan "Mərd ana" kitabında yazıb. O bildirib ki, Kriştianuya hamilə olduğu vaxt abort etdirmək istəsə də, bacarmayıb: "Artıq 3 övladım olduğundan, abort etdirməyə çalışdım. Amma bacarmadım. Xoşbəxtlikdən, Kriştianu Ronaldu ulduz olaraq, həyatımı işıqlandırdı. Qadınlara məsləhət görərdim ki, abort etdirməsinlər".
Qeyd edək ki, Kriştianu Ronaldu 5 fevral 1985-ci ildə doğulub. O, 2009-cu ildən çıxış etdiyi "Real Madrid"in heyətində bu mövsüm bütün yarışlarda 43 oyuna 44 qol vurub. O, 5 dəfə "Qızıl top"un sahibi olub.
