Portuqaliyanın "Sportinq" klubunun 4 futbolçusu komandanı tərk edib.
Sportnet.az-ın məlumatına görə, bunlar Jelson Martinş, Bas Dost, Vilyam Karvalyu və Brunu Fernandeşdir. Oyunçular təktərəfli qaydada müqavilələrini pozublar.
Buna səbəb klub azarkeşlərinin məşq bazasında komandanın futbolçularına və məşqçilər heyətinə hücum etməsidir. Futbolçular bu hadisədə klub rəhbərliyini günahlandırırlar.
Qeyd edək ki, daha öncə qapıçı Ruy Patrisiu və Daniel Podense də klubla müqavilələrini ləğv edib. "Sportinq"in gənclərdən ibarət komandasında azərbaycanlı futbolçu Budaq Nəsirov da çıxış edir.
