Sloveniyada təlim-məşq toplanışında olan "Qəbələ” komandası bu gün üçüncü yoxlama oyununa çıxıb.
Sportnet.az xəbər verir ki, komanda Polşa "Krakoviya”sı üz-üzə gəlib. Beltintsidə keçirilən matç "Qəbələ"nin 0:1 hesablı məğlubiyyəti ilə yekunlaşıb.
Əsası 1906-cı ildə qoyulan "Krakoviya”nın 112 yaşı var. Krakov şəhərini təmsil edən komanda Polşa çempionatının son mövsümünü 9-cu pillədə başa vurub. "Krakoviya”nın tarixində bir sıra nailiyyətlər də var. "Qəbələ”nin rəqibi 5 dəfə ölkə çempionu (1921, 1930, 1932, 1937 və 1948) adını qazanıb. Krakovluların hesabında çempionatın 2 gümüş (1934, 1949) və 2 bürünc (1922, 1952) medalı da var. 3 dəfə avrokuboklara qatılan "Krakoviya” UEFA İntertoto kuboku və UEFA Avropa Liqasında ümumilikdə 10 oyun keçirib.
Yoxlama oyunu
4 iyul
20:00. "Qəbələ” – "Krakoviya” (Polşa) - 0:1
Beltintsi (Sloveniya)
Qeyd edək ki, "Qəbələ” bunadək Sloveniyada 2 matç keçirib. Albaniyanın "Kukesi" komandası ilə 1:1 hesablı heç-heçə edən "qırmızı-qaralar” Xorvatiyanın "Dinamo” (Zaqreb) klubuna uduzub - 0:2.
