"Zirə"nin yay təlim-məşq toplanışının ikinci mərhələsi çərçivəsində Türkiyənin Bolu bölgəsində keçirəcəyi yoxlama oyunlarındakı rəqiblərindən üçün müəyyənləşib.
Sportnet.az-ın klubun rəsmi saytına istinadən məlumatına görə, iyulun 19-da səfərə çıxacaq "qartallar" bir gün sonra Qətərin yüksək liqa təmsilçisi "Əl-Xaritiyah”la üz-üzə gələcək. Ayxan Abbasovun baş məşqçisi olduğu komanda bundan başqa daha 3 görüşə çıxacaq. İyulun 23-də rəqib Türkiyə Super Liqa təmsilçisi "Osmanlıspor”, iyulun 27-də qardaş ölkənin I Liqa təmsilçisi "Eskişehirspor” olacaq. "Zirə" iyulun 30-da daha bir yoxlama matçına çıxacaq. Bu oyundakı rəqibin kimliyinə isə qarşıdakı günlərdə aydınlıq gələcək.
Komanda avqustun 1-də Bakıya qayıdacaq.
