"Qarabağ” klubunun Çempionlar Liqasının II təsnifat mərhələsindəki potensial rəqibi bəlli olub.
Sportnet.az-ın məlumatına görə, Albaniya "Kukesi”si Maltanın "Valletta” klubunu iki oyunun nəticəsinə əsasən, məğlub edərək növbəti mərhələyə yüksəlib.
"Qarabağ” Sloveniya "Olimpiya”sını üstələyəcəyi təqdirdə, Çempionlar Liqasının II təsnifat mərhələsində məhz Albaniyanın "Kukesi” klubu ilə qarşılaşacaq.
Cütün məğlub komandası isə Şimali İrlandiya "Kruzaders"inə rəqib olub.
"Qarabağ” Çempionlar Liqasının I təsnifat mərhələsinin ilk oyununda səfərdə rəqibini 1:0 hesabı ilə məğlub edib. Ağdam təmsilçisinin cavab matçı bu gün Tofiq Bəhramov adına Respublika stadionunda keçiriləcək. Görüş saat 21:00-da başlanacaq.
Ümumiyyətlə, cavab görüşlərindən sonra Çempionlar Liqasının II təsnifat mərhələsində cütlərdən bəzilərinin tərkibi tam, bəzilərinin isə qismən müəyyənləşib:
"Astana" (Qazaxıstan) / "Sutyeska" (Monteneqro) cütünün qalibi - "Mitjyulland" (Danimarka)
"Ludoqorets" (Razqrad, Bolqarıstan) - "Videoton" (Macarıstan)
"Kukesi" (Albaniya) - "Olimpiya" (Lyublyana, Sloveniya) / "Qarabağ" (Azərbaycan)
ÇFR (Kluj, Rumıniya) - "Malmö" (İsveç)
"Dinamo" (Zaqreb, Xorvatiya) - "Hapoel" Beer-Şeva (İsrail)
"Srvena Zvezda" (Serbiya) - "Suduva" (Litva)
BATE (Borisov, Belarus) - HİK (Helsinki, Finlandiya)
"Şkendiya" (Makedoniya) - "Torpedo" (Kutaisi, Gürcüstan) / "Şeriff" (Moldova)
"Legiya" (Varşava, Polşa) - "Spartak" (Trnava, Slovaniya) / "Zrinski" (Bosniya və Herseqovina)
"Alaşkert" (Ermənistan) / "Seltik" (Şotlandiya) - "Valür" (Reykyavik, İslandiya) / "Rusenborq" (Norveç)
Avropa Liqasının II təsnifat mərhələsində isə Çempionlar Yolunda bu cütlər formalaşıb:
TNS (Uels) - "Linkoln" (Cəbəllütariq)
"Torpedo" (Kutaisi, Gürcüstan) / "Şerif" (Moldova) cütünün qalibi - "Vikinqur" (Farer adaları)
"Spartak" (Trnava, Slovakiya) / "Zrinski" (Bosniya və Herseqovina) - Valletta (Malta)
"Santa Koloma" (Andorra) - "Valür" (İslandiya) / "Rusenborq" (Norveç)
"Astana" (Qazaxıstan) / "Sutyeska" (Monteneqro) - "Alaşkert" (Ermənistan) / "Seltik" (Şotlandiya)
"Düdelanj" (Lüksemburq) - "Drita" (Kosovo)
"Spartak" (Yurmala, Latviya) - "La Fiorita" (San-Marino)
APOEL (Kipr) - "Flora" (Tallin, Estoniya)
"Olimpiya" (Lyublyana, Sloveniya) / "Qarabağ" (Azərbaycan) - "Kruzaders" (Şimali İrlandiya)
"Kukesi", HİK, "Hapoel", "Malmö", "Suduva", "Şkendiya", "Videoton", "Srvena Zvezda", "Legiya" və "Ludoqorets" Çempionlar Liqasında mərhələ adlayıb. Onlara uduzan komandalar isə yollarına Avropa Liqasında davam edəcəklər. Polşa "Legiya"sı ilə qarşılaşmalardan məğlub ayrılan İrlandiyanın "Kork Siti" komandası Avroliqada yoluna III təsnifat mərhələsindən, qalanları isə II təsnifat mərhələsinin Çempionlar Yolundan davam edəcəklər.
--------------------------------------------------------------------------------------------------------------------------------------
Bu gün Çempionlar Liqasında I təsnifat mərhələsinin cavab oyunları start götürəcək.
Sportnet.az-ın məlumatına görə, ilk oyun günündə 10 qarşılaşma baş tutacaq.
Azərbaycan çempionu "Qarabağ"ın potensial rəqibləri Maltanın "Valetta" klubu və Albaniya "Kukesi"si üz-üzə gələcəklər. Bu komandalar arasında baş tutan ilk qarşılaşma qolsuz bərabərliklə yekunlaşıb.
Bu gün həmçinin "Qarabağ" - "Olimpiaya" cütündə məğlub olacaq komandanın da Avropa Liqasının II təsnifat mərhələsindəki rəqibi bəlli olacaq. İlk oyunda Şimali İrlandiya "Kruzaders”ini 7:0 hesabı ilə darmadağın edən Bolqarıstanın "Ludoqorets” komandası, böyük ehtimalla, Çempionlar Liqasında növbəti mərhələyə vəqisə qazanacaq. "Kruzaders” isə möcüzə baş verməsə, Avropa Liqasının II təsnifat mərhələsində çıxış edəcək.
Qeyd edək ki, ilk matçda rəqibini 1:0 hesabı ilə məğlub edən "Qarabağ" iyulun 19-da Çempionlar Liqasının I təsnifat mərhələsinin cavab matçında Sloveniya "Olimpiya"sı ilə üz-üzə gələcək. Tofiq Bəhramov adına Respublika stadionunda keçiriləcək matç saat 21:00-da başlanacaq.
Çempionlar Liqası
I təsnifat mərhələsi, cavab oyunları
17 iyul
20:00. "Valletta” (Malta) - "Kukesi” (Albaniya) - 1:1
Qollar: Santiaqo Malano, 67 - İrakli Cariya, 84
İlk oyun - 0:0
20:00. HİK (Helsinki, Finlandiya) - "Vikinqur” (Farer Adaları) - 3:1
Qollar: Joao Klaus, 1. Evens Mensah, 10. Moştaq Yaqubi, 19 - Qunnar Vatnamar, 21
İlk oyun – 2:1
21:00. "Hapoel” (Beer-Şeva, İsrail) - "Flora” (Tallin, Estoniya) - 3:1
Qollar: Hen Ezra, 15. Hanan Maman, 27. Maor Melikson, 48 - Rauno Aliku, 86
İlk oyun – 4:1
21:00. "Malmö” (İsveç) - "Drita” (Kosovo) - 2:0
Qollar: Karlos Strandberq, 55. Erik Larsson, 60
Ilk oyun – 3:0
21:00. APOEL (Kipr) - "Suduva” (Litva) - 1:0
Qol: Mikael Pote, 20
İlk oyun - 1:3
22:00. TNS (Uels) - "Şkendiya” (Makedoniya) - 4:0
Qollar: Dean Ebbe, 15. Daniel Redmond, 30. Benjamin Kabanqo, 35. Kurtis Börne, 90+6
İlk oyun – 0:5
22:15. "Videoton” (Macarıstan) - "Düdelanj” (Lüksemburq) - 2:1
Qollar: Danko Lazoviç, 18. Marko Şçepoviç, 58 - Kuturye Kleman, 54
İlk oyun – 1:1
22:30. "Srvena Zvezda” (Serbiya) - "Spartak” (Latviya) - 2:0
Qollar: El Ferdu ben Nabuhan, 78. Nenad Krtstiçiç, 81
İlk oyun - 0:0
23:00. "Legiya” (Varşava, Polşa) - "Kork Siti” (İrlandiya) - 3:0
Qollar: Xose Kante, 27. Miroslav Radoviç, 73 (penalti ilə). Karlos Daniel Lopes Hueska, 89
İlk oyun – 1:0
23:00. "Kruzaders” (Şimali İrlandiya) - "Ludoqorets” (Bolqarıstan) - 0:2
Qollar: Rodni Braun, 11-öz qapısına. Yakub Şverçok, 65
İlk oyun - 0:7
