"Qarabağ"ın sabiq futbolçusu Elvin Yunuszadə karyerasını "Keşlə" klubunda davam etdirə bilər.
Sportnet.az-ın əldə etdiyi məlumata görə, hazırda paytaxt təmsilçisinin rəhbərliyi ilə 26 yaşlı müdafiəçi arasında danışıqlar yekunlaşmaq üzrədir. Ciddi problem ortaya çıxmasa, Yunuszadənin keçidi tezliklə rəsmiləşəcək. Onunla azad agent qismində 1 illik müqavilənin bağlanılacağı gözlənilir.
"Keşlə" 3 mərkəz müdafiəçisi ilə çıxış etdiyindən, bu mövqedə əlavə oyunçuya ehtiyac hiss olunur. Malta "Baltsan"ı ilə səfər oyununda Adrian Skarlatake zədə üzündən buraxmalı olub. Onu mərkəz müdafiəçisi mövqeyində yeni transfer Azər Salahlı əvəzləyib. Lakin bu addım elə də uğurlu olmayıb və Malta təmsilçisi böyük hesabla qalib gəlib - 4:1.
Qeyd edək ki, Elvin Yunuszadə "Qarabağ"ı yayda tərk edib.
