Çempionlar Liqasında II təsnifat mərhələsinin cavab görüşləri start götürüb.
Sportnet.az-ın məlumatına görə, ilk oyun günündə 3 qarşılaşma keçirilib. Səfərdə rəqibinə 1:0 hesabı ilə məğlub olan Moldova "Şerif"i evdə Makedoniya "Şkendiya"sını sınağa çəkib. Görüş qolsuz yekunlaşıb. Bununla da "Şkendiya" mərhələ adlayıb.
İlk oyunda İsrailin "Hapoel" komandasını 5 cavabsız qolla üstələyən Xorvatiya "Dinamo"su Beer-Şevada məhsuldar heç-heçə sayəsində adını növbəti mərhələyə yazdırıb.
Slovakiya "Spartak"ı ilə Trnavada Polşanın "Legiya" komandasına 0:1 hesabı ilə uduzub. Lakin ilk görüşdən 2:0 hesablı qələbə ilə ayrıldığından, "Spartak" bu turnirdə yoluna davam edəcək.
Qeyd edək ki, ilk matçda səfərdə Albaniya "Kukesi"i ilə qolsuz heç-heçə edən "Qarabağ" II təsnifat mərhələsinin cavab oyununa avqustun 1-i çıxacaq. Tofiq Bəhramov adına Respublika stadionunda keçiriləcək qarşılaşma saat 21:00-da start götürəcək.
Çempionlar Liqası, II təsnifat mərhələsi
Cavab oyunları
31 iyul
21:00. "Şerif" (Moldova) - "Şkendiya" (Makedoniya) - 0:0
İlk oyun - 0:1
21:00. "Hapoel" (Beer-Şeva, İsrail) - "Dinamo" (Zaqreb, Xorvatiya) - 2:2
Qollar: Con Oqu, 14. Petar Stoyanoviç, 34 (öz qapısına) - Mario Budimir, 49. İzet Hayroviç, 54
İlk oyun - 0:5
22:30. "Spartak" (Trnava, Slovakiya) - "Legiya" (Varşava, Polşa) - 0:1
Qol: İnyaki Astis, 63
İlk oyun - 2:0
