Belarusun BATE klubunun İdarə Heyətinin sədri Anatoli Kapski 52 yaşında vəfat edib.
Sportnet.az-ın klubun rəsmi saytına istinadən verdiyi məlumata görə, Kapskidə hələ 20 yaşında ikən xərçəng aşkarlanıb. Həmin vaxtdan o, şişlə mübarizə aparıb.
1999-cu ildə xəstəlik yenidən özünü büruzə verib. 2013-cü ildə klub rəhbəri ürəyindən əməliyyat olunub. Daha sonra o, qara ciyəri və böyrəklərindəki problemlərlə əlaqədar bir neçə gün komada qalıb.
Kapski 1996-cı ildə BATE-nin yaradılmasının təşəbbüskarlarından olub. Borisov təmsilçisi 14 dəfə Belarus çempionu və 3 dəfə ölkə kubokunun sahibi olub.
Qeyd edək ki, bu mövsüm BATE Çempionlar Liqasının III təsnifat mərhələsində "Qarabağ"ın rəqibi olub. Bakıda 1:0 hesablı qələbə qazanan Borisov klubu öz meydanında heç-heçə edib - 1:1. Nəticədə "Qarabağ" Çempionlar Liqasında mübarizəni dayandırıb. Hazırda hər iki komanda Avropa Liqasının qrup mərhələsində çıxış edir.
