Futbol üzrə Azərbaycan Premyer Liqasının X turu aşağı məhsuldarlıqla diqqət çəkib.
Sportnet.az Peşəkar Futbol Liqasının saytına istinadən xəbər verir ki, turun 4 qarşılaşmasında cəmi 6 qol vurulub.
Bunun yarısı "Qəbələ” – "Sabah” görüşünə (2:1) təsadüf edib. "Qarabağ” – "Sumqayıt” oyununda (2:0) iki, "Keşlə” – "Neftçi” matçında (0:1) bir qol qeydə alınıb. "Zirə” – "Səbail” qarşılaşmasında isə qapılara qol vurulmayıb.
Turun orta məhsuldarlığı isə 1,5-ə bərabər olub. Bu, cari mövsümün iki ən aşağı göstəricisindən biridir.
Çempionatın IV turunda məhsuldarlıq daha aşağı olub. Bir oyununun hesabı ləğv olunan və texniki nəticəylə yekunlaşan turun digər 3 qarşılaşmasında cəmi 4 top qeydə alınıb.
