Azərbaycan Premyer Liqasının debütantı "Sabah" komandası Türkiyənin Antalya bölgəsindəki təlim-məşq toplanışı çərçivəsində ikinci oyununa çıxıb.
Sportnet.az xəbər verir ki, ilk yoxlama matçında Türkiyə "Eskişehirspor"unu 1:0 hesabı ilə üstələyən komanda Qazaxıstan "Tobol"u ilə heç-heçə edib - 2:2. "Sabah"ın qollarına 39-cu dəqiqədə Rəşad Eyubov, 56-cı dəqiqədə isə Cavid İmamverdiyev imza atıb
---------------------------------
Türkiyənin Antalya bölgəsində təlim-məşq toplanışında olan "Sumqayıt" komandası ilk yoxlama oyununa çıxıb.
Sportnet.az xəbər verir ki, Ayxan Abbasovun baş məşqçilik etdiyi kollektiv Qazaxıstanın "Jetısu" klubu ilə üz-üzə gəlib.
Belek qəsəbəsindəki "Sun Zeynep" otelinin futbol meydanında baş tutan qarşılaşma 1:1 hesablı heç-heçə ilə başa çatıb. "Gənclik şəhəri" təmsilçisinin yeganə qolunu 50-ci dəqiqədə Ülvi İsgəndərov vurub. Rəqibin heyətində isə Oljas Kerimjanov fərqlənib.
Matç yanvarın 15-də keçirilməli olsa da, hava şəraiti ilə əlaqədar təxirə salınıb.
Qeyd edək ki, bugünkü ilk yoxlama oyununda "Səbail" Macarıstan "Akvital"ını 3:2 hesabı ilə məğlub edib. Günün ikinci yarısında "Qəbələ" - “Meppen” (Almaniya), "Sabah" - "Tobol" (Qazaxıstan) və "Qarabağ" - "Uypeşt" (Macarıstan) qarşılaşmaları keçiriləcək.
---------------------------------------------
Türkiyənin Antalya bölgəsində təlim-məşq toplanışında olan "Səbail" komandası ilk yoxlama oyununu keçirib.
Sportnet.az xəbər verir ki, Aftandil Hacıyevin baş məşqçisi olduğu kollektiv Macarıstan "Akvital"ı ilə üz-üzə gəlib. Lara qəsəbəsindəki "Miracle" otelinin meydançasında baş tutan qarşılaşma "Səbail"in 3:2 hesalı qələbəsi ilə başa çatıb.
Paytaxt təmsilçisinin heyətində qolları 44-cü dəqiqədə Kevin Kubemba, 68-ci və 90-cı dəqiqələrdə isə Ruslan Qurbanov vurub. Qurbanov 66-cı dəqiqədə penalti zərbəsini dəqiq yerinə yetirə bilməyib.
Matç yanvarın 15-də hava şəraiti ilə əlaqədar bu günə təxirə salınmışdı.
Qeyd edək ki, hazırda Azərbaycan klublarından "Sumqayıt"nin Qazaxıstan "Jetısu" ilə oyunu davam edir. Bu gün həmçinin "Qəbələ" - “Meppen” (Almaniya), "Sabah" - "Tobol" (Qazaxıstan) və "Qarabağ" - "Uypeşt" (Macarıstan) qarşılaşmaları keçiriləcək.
---------------------------------------------------------
Türkiyənin Antalya bölgəsində təlim-məşq toplanışında olan Azərbaycan klublarından daha 3-ü bu gün yoxlama oyununa çıxacaq.
Sportnet.az-ın məlumatına görə, "Sabah" ikinci görüşündə Qazaxıstan "Tobol"unu sınağa çəkəcək. Lara qəsəbəsindəki "Titanik" otelinin futbol meydanında təşkil olunacaq qarşılaşma Bakı vaxtı ilə saat 18:00-da başlanacaq.
"Sabah" ilk yoxlama matçında Türkiyənin I Liqa təmsilçisi "Eskişehirspor"u yenib - 1:0. "Tobol" isə Qazaxıstan Premyer Liqasını bürünc medalla başa vurub.
Bu görüşdən əvvəl - saat 13:00-da "Sumqayıt" ötən gündən təxirə salınmış qarşılaşmada Qazaxıstanın digər təmsilçisi "Jetısu" ilə üz-üzə gələcək. "Jetısu" ötən mövsümü 6-cı pillədə başa vurub.
Günün ilk yoxlama matçı isə "Səbail" və Macarıstan "Akvital"ı arasında olacaq. Bu oyun da əlverişsiz hava şəraiti ilə əlaqədar ötən gündən təxirə salınıb. "Miracle" otelinin futbol meydanında təşkil olunacaq qarşılaşma saat 12:00-da başlanacaq.
Yoxlama oyunları
12:00. "Səbail" - "Akvital" (Macarıstan) - 3:2
Qol: Kevin Kubemba, 44. Ruslan Qurbanov, 68. 90
Qeyri-dəqiq penalti - Ruslan Qurbanov, 66
"Səbail": 25. Elxan Əhmədov, 99. Maudo Jarjue, 32. Elvin Yunuszade, 26. Kamal Qurbanov, 13. Şəhriyar Rəhimov, 14. Rahid Əmirquliyev, 88. Orxan Qurbanli, 17. Elçin Rəhimli, 28. Kevin Kubemba, 10. Ağabala Ramazanov, 18. Aqşin Qurbanlı
Lara, "Miracle" otelinin futbol meydanı
13:00. "Sumqayıt" - "Jetısu" (Qazaxıstan) - 1:1
Qol: Ülvi İsgəndərov, 50
"Sumqayıt"ın start heyəti: 1. Mehdi Cənnətov, 2. Rail Məlikov, 3. Vurğun Hüseynov (k.), 5. Adil Nağıyev, 10. Aleksey İsayev, 11. Atilla Yıldırım, 21. Arif Daşdəmirov, 22. Əfran İsmayılov, 74. Yusif Nəbiyev, 77. Murad Xaçayev, 99. Əli Babayev
Belek, "Sun Zeynep" otelinin futbol meydanı
18:00. "Sabah" - "Tobol" (Qazaxıstan) - 2:2
Qol: Rəşad Eyubov, 39. Cavid İmamverdiyev, 56
Lara, "Titanik" otelinin futbol meydanı.
"Sabah": 30. Saşa Stamenkoviç, 19. Məqsəd İsayev, 13. Filip İvanoviç, 5. Kərim Diniyev, 25. Vanderson Silva, 2. Təmkin Xəlilzadə, 10. Cavid İmamverdiyev (k), 11. Elgün Nəbiyev, 15. Erik Ramos, 7. Rəşad Eyubov, 9. Marko Deviç
İkinci hissədə Saşa Stamenkoviç, Məqsəd İsayev, Elgün Nəbiyev, Marko Deviç, Təmkin Xəlilzadə, Erik Ramos və Filip İvanoviçin yerinə meydana Tərlan Əhmədli, Miloş Bosançiç, Elşən Abdullayev, Tərzin Cahangirov, Şakir Seyidov, Eltun Turabov və Emil Qasımov daxil olur.
