Türkiyənin Antalya bölgəsindəki təlim-məşq toplanışında "Qəbələ"nin baxışa cəlb etdiyi braziliyalı futbolçuların adları müəyyənləşib.
Sportnet.az klubun rəsmi saytına istinadən xəbər verir ki, bunlar Mateus Fornazari, Josiel, Vellerson da Silva və Kayo Nevesdir. "Sambaçılar" ötən gün Almaniya "Meppen"i ilə görüşdə meydana daxil olublar. 1:2 hesabı ilə uduzan "qırmızı-qaralar"ın yeganə qolunu Vellerson da Silva vurub.
Qeyd edək ki, "Qəbələ" növbəti yoxlama oyununu yanvarın 20-də Rusiya "Yenisey"inə qarşı keçirəcək.
